უკრაინის მოქალაქეები აცხადებენ, რომ გონიოში ერთ-ერთი სასტუმროს მეპატრონე მოითხოვს, რომ სასტუმრო, სადაც ბოლო პერიოდის განმავლობაში ცხოვრობენ, დატოვონ. როგორც უკრაინის მოქალაქეები ჟურნალისტებთან საუბრისას აცხადებენ, სასტუმროში ცხოვრების ვადა პირველ აგვისტოს ამოეწურათ, მაგრამ წასასვლელი არსად აქვთ.
უკრაინის მოქალაქეები ამბობენ, რომ მცირეწლოვანი ბავშვები ჰყავთ, არ აქვთ სამსახური და თავშესაფარი.
შეკრებილები მთავრობას მიმართავენ და სთხოვენ, რომ თავშესაფარში ყოფნის პერიოდი გაუხანგრძლივდეთ.
უკრაინის მოქალაქეებთან, „ლელო“ აჭარის ორგანიზაციის წევრები მივიდნენ.