„მრავალეროვანი საქართველო“ კელი დეგნანის მიმართ გამოთქმულ ბრალდებებს ეხმაურება და მათ დაუმსახურებელს, უსაფუძვლოს და დაუსაბუთებელს უწოდებს

„მრავალეროვანი საქართველო“ საქართველოში ამერიკის შეერთებული შტატების ელჩის, კელი დეგნანის მიმართ გამოთქმულ ბრალდებებს ეხმაურება და მათ არაკეთილგონიერს, დაუმსახურებელს, უსაფუძვლოს და დაუსაბუთებელს უწოდებს.

აღნიშნულთან დაკავშირებით ინფორმაციას „მრავალენოვანი საქართველო“ ავრცელებს.

„შეუძლებელია აღშფოთება არ გამოიწვიოს საქართველოში აშშ-ს ელჩის, კელი დეგნანის მიმართ გამოთქმულმა ბრალდებებმა, რომლებიც ყოველგვარ საფუძველსაა მოკლებული და არ ემსახურება სტრატეგიულ პარტნიორ ქვეყანასთან ურთიერთობის გაღრმავებას.

ამერიკის სახელმწიფო ათწლეულებია მხარში უდგას საქართველოს მისი უსაფრთხოების გაზრდისა და უზრუნველყოფისა, თუ ეკონომიკის განვითარების საქმეში. აშშ-ს მხარდაჭერითა და ხელშეწყობით განხორციელებული და მიმდინარე რეფორმების ვრცელი სია სწორედ დიპლომატთა განსაკუთრებული ღვაწლია. ხაზგასმით უნდა ითქვას, რომ დიპლომატიური მისიის ხელმძღვანელი საქართველოში, კელი დეგნანი დღიდან წარდგენისა და ქვეყანაში ჩამოსვლისა, დაუღალავად იღწვის საქართველოს მოსახლეობის უდიდესი ნაწილის არჩევანის, უკეთესი ევროპული მომავლისა და ევროპული პერსპექტივის უზრუნველსაყოფად.

მეგობარი და სტრატეგიული ქვეყნის ელჩზე გახშირებული თავდასხმები, წყალს მხოლოდ საქართველოს მტრების წისქვილზე ასხამს, არ ემსახურება ქართული სახელმწიფოს ინტერესებს და მეტიც, სანდო და ერთგულ პარტნიორებთან, სასიცოცხლოდ მნიშვნელოვან ურთიერთობებში, არასასურველი ბზარების გაჩენას უწყობს ხელს.

„მრავალეროვანი საქართველო“ მოუწოდებს ყველას, სათანადოდ დააფასონ ამერიკის მიერ საქართველოს უპრეცენდენტო და მზარდი მხარდაჭერა ბოლო ათწლეულების განმავლობაში და მსოფლიოში მიმდინარე პროცესებისა და ტენდენციების გათვალისწინებით, პროგრესის მხარე დაიკავონ, საქართველოს სასიცოცხლო ინტერესებიდან გამომდინარე.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა