არჩილ თალაკვაძე - მიხეილ სააკაშვილი პასუხს კანონმდებლობით დადგენილი წესით აგებს და არა იმის მიხედვით, პოლიტიკიდან დისტანცირებას როდის გადაწყვეტს

მიხეილ სააკაშვილი პოლიტიკაში იქნება თუ არა ჩართული, ეს საქართველოს კანონმდებლობას ვერ შეცვლის - ის პასუხს კანონმდებლობით დადგენილი წესით აგებს და არა იმის მიხედვით, პოლიტიკიდან დისტანცირებას როდის გადაწყვეტს, - ამის შესახებ პარლამენტის ვიცე-სპიკერმა არჩილ თალაკვაძემ განაცხადა.

როგორც თალაკვაძემ აღნიშნა, პატიმრობაში მყოფი პირი არის თუ არა ჩართული პოლიტიკაში, ეს მის პატიმრობაზე ვერავითარ გავლენას მოახდენს.

მისივე თქმით, განცხადებები მიხეილ სააკაშვილის ქართული პოლიტიკიდან წასვლის თაობაზე ადვოკატების სტრატეგიაა, რაზეც თავად პარტია “ნაციონალური მოძრაობის“ თავმჯდომარემ ნიკა მელიამ ისაუბრა.

მიხეილ სააკაშვილი უკვე არის შემაფერხებელი ფაქტორი არა მხოლოდ ახალი პოლიტიკური პარტიებისთვის, რომელთაც ის პოლიტიკურად აშანტაჟებდა, არამედ საკუთარი პარტიისთვისაც, სადაც იყო მცდელობები იმისა, რომ პოლიტიკა განახლებულიყო, მაგრამ სააკაშვილის გამო პარტია განახლებას და ახალი დღის წესრიგის ჩამოყალიბებას ვერ ახერხებდა.

როგორც ჩანს, დღეს ეს დისკუსია “ნაციონალური მოძრაობის“ შიგნით ისევ აქტუალურია. ეს არის სტრატეგია თუ ტაქტიკა, რაც ადვოკატებმა თქვეს, ამის გამოძახილი.

რა პოლიტიკური დღის წესრიგიც არ უნდა ჰქონდეს სხვადასხვა პარტიას, რა პოლიტიკური ხედვაც არ უნდა იყოს პიროვნულ დონეზე, მთავარია, კანონის უზენაესობის პრინციპი“, - განაცხადა არჩილ თალაკვაძემ.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა