ზურაბ აზარაშვილი გუდაურში მომხდარი ტრაგედიის შედეგად დაღუპული გმირების სამოქალაქო პანაშვიდს დაესწრო

სამების საკათედრო ტაძარში, 29 ივლისს, შინაგან საქმეთა სამინისტროს სასაზღვრო პოლიციის ვერტმფრენის ჩამოვარდნის შედეგად დაღუპული მფრინავების, მაშველებისა და ექიმების სამოქალაქო პანაშვიდი გაიმართა.

პანაშვიდზე ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი იმყოფებოდა.

ზურაბ აზარაშვილმა მოადგილეებთან და საგანგებო სიტუაციების კოორდინაციისა და გადაუდებელი დახმარების ცენტრის ხელმძღვანელთან ერთად, დაღუპულთა ხსოვნას პატივი მიაგო და მათი ოჯახის წევრებს მიუსამძიმრა.

ვერტმფრენის ჩამოვარდნის შედეგად გარდაცვლილი რვა ადამიანის ცხედარი სამების საკათედრო ტაძრიდან გამოასვენეს. მათ საგვარეულო სასაფლაოებზე დაკრძალავენ. მომხდარ ტრაგედიასთან დაკავშირებით სრულიად-საქართველოს კათოლიკოს-პატრიარქმა, ილია მეორემ სამძიმრის წერილი გაავრცელა.

პრემიერ-მინისტრის გადაწყვეტილებით, ტრაგიკულად დაღუპული მფრინავების, მაშველებისა და ექიმების ოჯახები, მატერიალური დახმარების სახით, 100 ათას ლარს მიიღებენ.

პრეზიდენტის გადაწყვეტილებით, დაღუპულები მედლით - "სამოქალაქო თავდადებისათვის“ დაჯილდოვდნენ.

სამების საკათედრო ტაძარში, სამოქალაქო პანაშვიდზე საქართველოს პრემიერ-მინისტრი ირაკლი ღარიბაშვილი, საქართველოს პრეზიდენტი სალომე ზურაბიშვილი, პარლამენტის თავმჯდომარე შალვა პაპუაშვილი, თბილისის მერი კახა კალაძე, აღმასრულებელი, საკანონმდებლო და ადგილობრივი ხელისუფლების წარმომადგენლები იმყოფებოდნენ.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს