დუშეთის მუნიციპალიტეტის, სოფელ ბულაჩაურში წყალმომარაგების სისტემის მშენებლობა მიმდინარეობს.

წყალმომარაგების კომპანიის ცნობით, სოფელში წყალმომარაგების ქსელი მოძველებული და ამორტიზებულია, წყლის არსებული დებიტი კი მოსახლეობის საჭიროებებს ვერ უზრუნველყოფს.

„პროექტის ფარგლებში სატუმბო სადგური, რეზერვუარები და წყალმომარაგების სრულიად ახალი სისტემა ეწყობა.

შედეგად, სოფელ ბულაჩაურის მოსახლეობა 24-საათიანი, ხარისხიანი წყალმომარაგებით იქნება უზრუნველყოფილი.

სამუშაოებს, სახელმწიფო ბიუჯეტიდან 6 მლნ ლარზე მეტი მოხმარდება”,- აღნიშნულია ინფორმაციაში.