საქართველოს სავაჭრო პალატის ორგანიზებით, ,,ღია დიალოგი ბიზნესთან“ ფორმატის ფარგლებში შეხვედრები გრძელდება. ამის შესახებ ინფორმაციას საქართველოს სავაჭრო პალატა ავრცელებს

მორიგი შეხვედრა რეგიონის მეწარმეებთან ოზურგეთში გაიმართა. შეხვედრის ფარგლებში, ადგილობრივი მეწარმეები გაეცნენ მიმდინარე და დაგეგმილი ბიზნესის მხარდამჭერ საგრანტო პროექტებს. ასევე, მოეწყო პრეზენტაციები სოფლის განვითარების სააგენტოს, ,,აწარმოე საქართველოში’’, საქართველოს ინოვაციებისა და ტექნოლოგიების სააგენტოს და საქართველოს საერთაშორისო საარბიტრაჟო ცენტრის პროგრამების შესახებ.

„ მეწარმეებმა მათთვის საჭირო კითხვებზე დეტალური ინფორმაცია მიიღეს. გარდა ამისა, ისაუბრეს ბიზნესის არსებულ გამოწვევებზე, რათა მოხდეს დონორებთან და შესაბამის უწყებებთან პრობლემური საკითხების მიტანა და ბიზნესის ხელშეწყობა.

სავაჭრო პალატა მეწარმეებთან მსგავსი ფორმატის შეხვედრებს იმერეთსა და სამეგრელოს რეგიონებში უახლოეს დღეებში გამართავს”,- აღნიშნულია ინფორმაციაში.