სურსათის ეროვნულმა სააგენტომ თხილის მწარმოებელთა ასოციაციას შესაწამლი აპარატები გადასცა

გარემოს დაცვისა და სოფლის მეურნეობის სამინისტროს გადაწყვეტილებით, სურსათის ეროვნულმა სააგენტომ შეისყიდა და თხილის მწარმოებელთა ასოციაციაციას, დამატებით 200 ზურგსაკიდი შესაწამლი აპარატი გადასცა.

სურსათის ეროვნული სააგენტოს ინფორმაციით, აპარატებით ასოციაციის მეთხილე ფერმერები ისარგებლებენ. ტექნიკის ნაწილი გურიის რეგიონში ფერმერებს უკვე დაურიგდათ. ზურგსაკიდი შესაწამლი აპარატების გადაცემის პროცესს სურსათის ეროვნული სააგენტოს უფროსის მოადგილე ზურაბ ლიპარტია და თხილის მწარმოებელთა ასოციაციის აღმასრულებელი დირექტორი გიორგი თოდუა დაესწრნენ.

მათივე ცნობით, აღნიშნული ტექნიკა ეტაპობრივად განაწილდება სხვა რეგიონებში. ფერმერები აგროკონსულტანტების რეკომენდაციებსაც მიიღებენ იმ შესაწამლი ღონისძიებების ჩასატარებლად, რომლებიც აუცილებელია ხარისხიანი მოსავლის მისაღებად.

თხილის მწარმოებელთა ასოციაცია 30 ათასზე მეტ ფერმერს აერთიანებს. შექმნილია 2700-მდე ჯგუფი, თითოეული 12-მდე ფერმერის შემადგენლობით. „თხილის გადარჩენის პროგრამის“ ფარგლებში სახელმწიფომ ასოციაციას, ჯამში, 2800 სპეციალური აპარატი გადასცა.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა