„უსაფრთხოების ზაფხულის სკოლა“ დასრულდა

საქართველოს სახელმწიფო უსაფრთხოების სამსახურის სასწავლო ცენტრის მიერ ორგანიზებული „უსაფრთხოების ზაფხულის სკოლა” დასრულდა.

სუს-ის ინფორმაციით, დახურვის ცერემონია უსაფრთხოების სამსახურის სასწავლო ცენტრში გაიმართა.

„სტუდენტებს სიტყვით მიმართეს სახელმწიფო უსაფრთხოების სამსახურის უფროსმა გრიგოლ ლილუაშვილმა და დიდი ბრიტანეთის ელჩმა საქართველოში მარკ კლეიტონმა და მათ სერტიფიკატები გადასცეს. ზაფხულის სკოლის მონაწილეების დაჯილდოების ცერემონიაში მონაწილეობა ასევე მიიღეს სახელმწიფო უსაფრთხოების სამსახურის უფროსის მოადგილე შენგელი ფიცხელაურმა და ბრიტანელმა გენერალმა სერ რიჩარდ შირეფმა.

ღონისძიების დასასრულს ზაფხულის სკოლის პროექტის შესახებ ვიდეოჩვენება გაიმართა.

უსაფრთხოების ზაფხულის სკოლაში მონაწილეობა სახელმწიფო და კერძო უმაღლესი საგანმანათლებლო დაწესებულებების სტუდენტებმა მიიღეს საქართველოს სხვადასხვა რეგიონიდან.

ორი კვირის განმავლობაში, უსაფრთხოების საკითხებზე, მათ ქართველი და უცხოელი ექსპერტების მიერ, არაერთი საინტერესო ლექცია ჩაუტარდათ. ზაფხულის სკოლას უძღვებოდნენ ცნობილი ბრიტანელი და ესპანელი უსაფრთხოების ექსპერტები კრის ჯაგერი და რუბენ არკოსი. სპეციალური მოწვევით სტუდენტებისთვის სემინარი გამართა ნატოს სარდლის ყოფილმა მოადგილემ, ბრიტანელმა გენერალმა სერ რიჩარდ შირეფმა. წელს, უსაფრთხოების ზაფხულის სკოლა დიდი ბრიტანეთის საელჩოს მხარდაჭერით განხორციელდა. პროექტის პარტნიორები საქართველოს იუსტიციის და განათლებისა და მეცნიერების სამინისტროები არიან. ზაფხულის სკოლას ყვარლის იუსტიციის სახლმა უმასპინძლა“,- ნათქვამია ინფორმაციაში.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა