თბილისის 15 ქუჩას საქართველოს ეროვნული გმირების და 2008 წლის რუსეთ-საქართველოს ომში დაღუპულ მებრძოლთა სახელები მიენიჭება

თბილისის 15 ქუჩას საქართველოს ეროვნული გმირების და 2008 წლის რუსეთ-საქართველოს ომში დაღუპულ მებრძოლთა სახელები მიენიჭება. შესაბამისი გადაწყვეტილება თბილისის საკრებულომ მიიღო.

აღნიშნული პირები არიან: ალექსანდრე ონიანი, გიორგი ანწუხელიძე, ლევან დევდარიანი , ილია ბაბუციძე, გიორგი ჯოჯუა, ლევან ჭოჭუა, კობა სერგია, გიორგი ბერიკაშვილი, გიორგი ღვინიაშვილი, ანზორ გელდიაშვილი, ნატალია სამქანაშვილი, გიგა ჩიხლაძე, ალექსანდრე კლიმჩუკი და სტან სტორიმანსი.

ინიციატივა დღეს თბილისის საკრებულოს სახელდებისა და სიმბოლიკის სხდომაზე განიხილეს, რომელსაც დაღუპულ მებრძოლთა ოჯახის წევრები ესწრებოდნენ.

სხდომაზე აგვისტოს ომში დაღუპულებს წუთიერი დუმილით პატივი მიაგეს.

საკრებულოს გადაწყვეტილებით, ვაკის რაიონში, თხინვალაში მდებარე უსახელო სკვერს გიორგი ანწუხელიძის სახელი მიენიჭება. გარდა ამისა, 2008 წლის რუსეთ-საქართველოს ომში გარდაცვლილი ჟურნალისტის გიგა ჩიხლაძის, ფოტორეპორტიორის ალექსანდრე კლიმჩუკის და ჰოლანდიელი ტელეოპერატორის სტან სტორიმანსის სახელობის ქუჩების სახელდება სამგორის რაიონში განხორციელდება. ამასთან, საქართველოს ეროვნული გმირის, ალექსანდრე ონიანის სახელი ისნის რაიონში, ბოჭორმის ქუჩასთან მდებარე უსახელო ქუჩას დაერქმევა.

სახელდებისა და სიმბოლიკის კომისიის სხდომაზე დღეს განხილული საკითხები დასამტკიცებლად საკრებულოს უახლოეს სხდომაზე გავა.

დღესვე, თბილისის საკრებულოს შენობაში რუსეთ-საქართველოს ომის თემატიკაზე გამოფენაც მოეწყო.

„ეს არის დაფასება. ძალიან მნიშვნელოვანია, რომ 14 წლის შემდეგ, ერთ-ერთ ქუჩას ჩემი შვილის სახელი მიენიჭება. მოსკოვიდან ჩამოსული ლევანი თბილისში ცხოვრებაზე ოცნებობდა, ისე იყო დედაქალაქზე შეყვარებული. ძალიან კარგია ლევანის სახელზე ქუჩა რომ იხსნება. მე, როგორც დედა, ძალიან მადლიერი ვარ“, - განაცხადა აგვისტოს ომში დაღუპული ლევან ჭოჭუას დედამ, ნუცა სერგიამ.

ირაკლი მელაშვილი - დღეს ევროპის ლანძღვა იმ ტოტის მოჭრაა, რაზეც ზის ჩვენი ქვეყანა, ევროპა და ამერიკა რომ არა, რუსეთი ისე გადაგვყლაპავდა, მსოფლიოში ხმას არავინ ამოიღებდა
ბადრი ჯაფარიძე - საზოგადოებამ არ უნდა მისცეს ხელისუფლებას საშუალება, დაასამაროს წინაპრების ოცნება, რომ ქვეყანამ ევროპულ ოჯახში უსაფრთხო ადგილი მოიპოვოს - ხალხმა უნდა გამოუტანოს განაჩენი „ოცნებას“ და არჩევნების გზით გაისტუმროს
ქართული პრესის მიმოხილვა 29.04.2024
ფარხატ მამედოვი - სომხებმა რაც უნდა ის გააკეთონ, დაგვაყენონ ფაქტის წინაშე, რომ რუსი მესაზღვრეები აღარ დგანან სომხეთ-ირანის საზღვარზე, ამის შემდეგ დადგება ახალი რეალობა და თავის პოზიციას აზერბაიჯანიც ჩამოაყალიბებს
თბილისში, საბურთალოზე ახალი კლინიკა - ჟორდანიას სამედიცინო ცენტრი გაიხსნა
„ჩვენი ვეფხისტყაოსანი“- პრემიის მოსაპოვებლად აპლიკაციების მიღება დაიწყო
ხვიჩა მაქაცარია - გილოცავთ ბზობის დღესასწაულს და გისურვებთ მშვიდობას, სტაბილურობას და წინსვლას ევროპისკენ