ცესკოს თავმჯდომარის მოადგილე გიორგი სიორიძე - კონსტიტუციით  პრეზიდენტია  ის ფიგურა, რომელიც პარლამენტს ცესკოს თავმჯდომარის კანდიდატებს წარუდგენს - რომელი სცენარიც არ უნდა იყოს, ამას „ოცნება“ ასე მარტივად ვერ შეცვლის

საქართველოში კონსტიტუციით პირდაპირ არის გათვალისწინებული, რომ პრეზიდენტი არის ის ფიგურა, რომელიც პარლამენტს ცესკოს თავმჯდომარის და წევრობის კანდიდატებს წარუდგენს - რომელი სცენარიც არ უნდა იყოს, ამას ასე მარტივად „ქართული ოცნება“ ვერ შეცვლის, - ამის შესახებ ცესკოს თავმჯდომარის ოპოზიციონერმა მოადგილემ, გიორგი სიორიძემ ცესკო-ს თავმჯდომარის არჩევის მოქმედ წესში შესაძლო ცვლილებების განხორციელებასთან დაკავშირებით განაცხადა.

როგორც მან „ინტერპრესნიუსთან“ განაცხადა, თუკი საუბარი არის იმაზე, რომ ცესკოს თავმჯდომარისა და წევრების არჩევა კვლავ ძველი წესით შეიძლება განხორციელდეს, ამ შემთხვევაშიც პრეზიდენტი არის ის ფიგურა, რომელიც კანდიდატურას პარლამენტს წარუდგენს და ამას მმართველი გუნდი ასე მარტივად ვერ შეცვლის.

„ძალიან რთულად მესახება მე ამ თვალსაზრისით, რომ რაიმე ისე შეიცვალოს, რომელიც შეიძლება „ქართულ ოცნებას“ სურდეს, თუმცა დაველოდოთ მოვლენებს, ვნახოთ რას შემოგვთავაზებენ. რომელი სცენარიც არ უნდა იყოს, ყველა ვარიანტში საუბარი იქნება იმაზე, რომ პრეზიდენტმა ცესკოს თავმჯდომარისა და წევრობის კანდიდატები უნდა წარადგინოს და ამას ასე მარტივად „ქართული ოცნება“ ვერ შეცვლის,“ - განაცხადა გიორგი სიორიძემ.

მისივე თქმით, პრეზიდენტის გადაწყვეტილება, რომ ცესკო-ს თავმჯდომარის კანდიდატად გიორგი კალანდარიშვილი არ წარადგინა, არც არაკანონიერია და არც არაკონსტიტუციური და ის თავისი დისკრეციის ფარგლებში მოქმედებდა.

გიორგი სიორიძის განცხადებით, სალომე ზურაბიშვილის გადაწყვეტილება სავარაუდოდ, დეპოლარიზაციის მოტივით არის ნაკარნახევი.

„ზოგადად, კონსტიტუციის მიხედვით, პრეზიდენტს პოლიტიკის განხორციელებაში აქვს მაკონსოლიდირებელი როლი შესაბამისად, განცხადებები რომ პრეზიდენტის გადაწყვეტილება პოლიტიკურად მოტივირებულია არასწორია, იმიტომ რომ თუ პრეზიდენტი მაკონსოლიდირებელ პოლიტიკას ახორციელებს, ამ შემთხვევაში ის თავის კონსტიტუციურ უფლებამოსილებებს ახორციელებს. მას აქვს ფართო დისკრეცია და მიიღო გადაწყვეტილება, რომელიც არის არა პოლიტიკურად მოტივირებული და შესაბამისად, ვინმეს წინააღმდეგ მიმართული, არამედ ის თავისი ფუნქციის შესრულებისას და დისკრეციის ნაწილში მოქმედებს.

აქ არაფერი არ იყო არც არაკანონიერი არც არაკონსტიტუციური, პრეზიდენტი თავისი დისკრეციის ფარგლებში მოქმედებდა და მიიღო ის გადაწყვეტილება, რომელიც მან ჩათვალა, რომ დღეს ჩვენი ქვეყნის წინაშე არსებულ პოლიტიკურ დღის წესრიგს ყველაზე მეტად ეხმიანება,“ - განაცხადა გიორგი სიორიძემ.

შეგახსენებთ, ცესკოს მოქმედი თავმჯდომარე, გიორგი კალანდარიშვილი პრეზიდენტის მიერ პარლამენტისთვის წარდგენილ კანდიდატებს შორის ვერ მოხვდა. პრეზიდენტის მიერ ცესკოს თავმჯდომარის თანამდებობაზე საქართველოს პარლამენტს ასარჩევად თამარ ალფაიძისა და რევაზ ეგაძის კანდიდატურები, ხოლო ცესკოს წევრის ერთ თანამდებობაზე - ქრისტინე ქაჯაიასა და ლევან ისაკაძის კანდიდატურები წარედგინა.

ცნობისთვის, მმართველ გუნდში ცესკო-ს თავმჯდომარის არჩევის წესში ცვლილებებს და ამ მიმართულებით საარჩევნო კანონმდებლობის კიდევ ერთხელ გადახედვას არ გამორიცხავენ. როგორც საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა გუშინ ჟურნალისტებთან ცესკო-ს თავმჯდომარის 2/3- ით არჩევის წესთან დაკავშირებით განაცხადა, „ზოგიერთი თავსმოხვეული კანონი მანკიერია“.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს