ვარკეთილში მდებარე ავარიული კორპუსიდან მოქალაქეების ევაკუაცია მიმდინარეობს.

როგორც „ინტერპრესნიუსს“ თბილისის მერიაში განუცხადეს, ევაკუაცია კორპუსის დანგრევის საფრთხის გამო გახდა საჭირო.

მერიაში განმარტავენ, რომ კორპუსის ავარიულობის გამო მცხოვრებლები რამდენჯერმე გააფრთხილეს, რომ საცხოვრებელი დაეტოვებინათ და ქირით გასულიყვნენ.

მედიით გავრცელებული ინფორმაციით, დღეს კორპუსის ნაწილი ჩამოინგრა, თუმცა მერიაში ნგრევის ფაქტს არ ადასტურებენ.