მცხეთის სოფლების - მუხრანის, პატარა ქანდას, ვაზიანისა და ვარდისუბნის 24 საათიანი წყალმომარაგებისთვის სამუშაოები გრძელდება.

წყალმომარაგების კომპანიის ცნობით, მიმდინარე პროექტის ფარგლებში უკვე მოეწყო წყალმომარაგების ახალი ქსელი და 5 ჭაბურღილი. ამ ეტაპზე მიმდინარეობს რეზერვუარისა და სატუმბო სადგურის მშენებლობა.

პროექტით გათვალისწინებული ინფრასტრუქტურული სამუშაოების დასრულება 2024 წლის გაზაფხულზე იგეგმება. შედეგადაც, ადგილობრივები წყალს უწყვეტ რეჟიმში მიიღებენ.

სამუშაოებისთვის სახელმწიფო ბიუჯეტიდან 16,8 მილიონ ლარზე მეტია გამოყოფილი.