მონტენეგროს ქალაქ ცეტინიეში უცნობმა პირმა ადამიანებს ცეცხლი გაუხსნა. შემთხვევა ადგილობრივი დროით დაახლოებით, 16:00 საათზე მოხდა, მას მსხვერპლი მოჰყვა.

ადგილობრივი მედიის ინფორმაციით, თავდასხმას სულ მცირე 11 ადამიანის სიცოცხლე ემსხვერპლა, 6 ადამიანი კი დაშავდა. დაშავებულთა შორის არიან ბავშვებიც.

ცნობილია, რომ ერთ-ერთმა სამართალდამცველმა ჭრილობა თავის არეში მიიღო.

თავდამსხმელი გარდაიცვალა, თუმცა ამ დრომე დადასტურებული არ არის, ის დაიღუპა პოლიციასთან ორმხრივი სროლის დროს, თუ თავი მოიკლა. ასევე, მედიის ცნობით, თავდამსხმელი 34 წლის ვუჩკო ბორილოვიჩია.