უკრაინის პრეზიდენტის ოფისის ხელმძღვანელმა ანდრეი ერმაკმა ის ხუთი ნაბიჯი დაასახელა, რომელიც რუსეთის ფედერაციაზე გამარჯვებას განაპირობებს. ამის შესახებ ერმაკმა „ტელეგრამის“ გვერდზე დაწერა.

მისი თქმით, საუბარი ეხება რუსეთის ტერორიზმის დამფინანსებელ სახელმწიფოდ აღიარებას, რუსეთის მოქალაქეებისთვის ვიზების გაცემის შეზღუდვას, ნავთობზე ფასების შეზღუდვას, გაზის ემბარგოსა და იარაღს.

„ეს ნაბიჯები დაგვეხმარება რუსეთზე გამარჯვებაში მისი ეკონომიკისა და ჯარის განადგურებით, ასევე, მათთვის ბრძოლისა და დასავლური სამყაროს დაშანტაჟების სურვილის წართმევით“,- განაცხადა ერმაკმა.