საფრანგეთის პრეზიდენტმა, ემანუელ მაკრონმა შვედეთისა და ფინეთის ნატო-ში გაწევრიანების რატიფიკაციის პროტოკოლს ხელი მოაწერა, - ინფორმაციას მედიასაშუალებები ელისეს სასახლეზე დაყრდნობით ავრცელებენ.

მანამდე, საფრანგეთის პარლამენტმა აღნიშნული ორი ქვეყნის ალიანსში მიღების გადაწყვეტილებას მხარი დაუჭირა.

შეგახსენებთ, მაისში, უკრაინაში რუსეთის ომის ფონზე, ფინეთმა და შვედეთმა ნატო-ში განაცხადის შეტანის ოფიციალური პროცესი დაიწყეს. ფინეთისა და შვედეთის ალიანსის გაწევრიანებისთვის ბლოკის ყველა წევრის თანხმობაა საჭირო. რატიფიცირების პროცესი ალიანსის 30 ქვეყნიდან 20-ზე მეტმა განახორციელა.