უკრაინის პრეზიდენტმა, ვოლოდიმირ ზელენსკიმ კიევისა და კიევის ოლქის, ასევე ტერნოპოლისა და ლვოვის ოლქების უსაფრთხოების სამსახურების ხელმძღვანელები თანამდებობებიდან გაათავისუფლა, - ინფორმაციას უკრაინული მედია ავრცელებს.

მათივე ცნობით, შესაბამისი განკარგულებები პრეზიდენტის ვებგვერდზეა გამოქვეყნებული.

შეგახსენებთ, 19 ივლისს უკრაინის უმაღლესმა რადამ მხარი დაუჭირა პრეზიდენტ ვოლოდიმირ ზელენსკის გადაწყვეტილებას უსაფრთხოების სამსახურის უფროსის თანამდებობიდან ივან ბაკანოვის გათავისუფლების შესახებ.