ისრაელის თავდაცვის მინისტრი ბენი განცი თავის ამერიკელ კოლეგას, ლოიდ ოსტინს ერთობლივი ძალისხმევის შესახებ ესაუბრა, რათა ირანის მიერ ბირთვული ბომბის მოპოვება შეაჩერონ.

განცის თქმით, მხარეებმა თავდაცვის არაერთი საკითხი განიხილეს, მათ შორის ზომები, რომლებიც საჭიროა ირანის ბირთვული იარაღის მოპოვების აღსაკვეთად.

„ჩვენ ასევე ვისაუბრეთ უკრაინაში განვითარებულ მოვლენებზე და ისრაელის ბოლოდროინდელ ძალისხმევებზე ჰუმანიტარული დახმარებისა და დამცავი აღჭურვილობის მიწოდების კუთხით“, - დასძინა ისრაელის თავდაცვის მინისტრმა.