ლოიდ ოსტინმა და ოლექსი რეზნიკოვმა „რამშტაინ V“-ის შეხვედრის დაგეგმვის საკითხი განიხილეს
აშშ-ისა და უკრაინის თავდაცვის მინისტრებმა, ლოიდ ოსტინმა და ოლექსი რეზნიკოვმა სატელეფონო საუბრის დროს უკრაინის თავდაცვის საკონტაქტო ჯგუფის (რამშტაინ V) შემდეგი შეხვედრის დაგეგმვასთან დაკავშირებული საკითხები განიხილეს, - ინფორმაციას პენტაგონის პრესსამსახური ავრცელებს.
მათივე ცნობით, ორი ქვეყნის მინისტრებმა უკრაინის უსაფრთხოების დახმარების გადაუდებელ და გრძელვადიან საჭიროებებზეც ისაუბრეს.
„თავდაცვის მინისტრი, ლოიდ ჯ. ოსტინ უკრაინის თავდაცვის მინისტრს, ოლექსი რეზნიკოვს ესაუბრა, რათა განეხილათ უკრაინის უსაფრთხოების დახმარების გადაუდებელი და გრძელვადიანი საჭიროებები“, - აღნიშნულია ინფორმაციაში.
პენტაგონის ცნობით, მინისტრმა რეზნიკოვმა ამერიკელ კოლეგას უკრაინაში ბრძოლის ველზე არსებული დინამიკის შესახებ ინფორმაცია მიაწოდა.
