ქაბულში, მეჩეთში, საღამოს ლოცვის დროს, ძლიერი აფეთქება მოხდა.

ადგილობრივი პოლიცია აცხადებს, რომ მსხვერპლი დიდია, თუმცა კონკრეტული რაოდენობა არ სახელდება.

"თალიბანის" დაზვერვის ერთ-ერთმა წარმომადგენელმა საინფორმაციო სააგენტო „როიტერს“ განუცხადა, რომ აფეთქების დროს, შესაძლოა 35 ადამიანი დაიჭრა ან დაიღუპა და მათი რიცხვი შეიძლება კიდევ გაიზარდოს.

ამასთან, ტელეკომპანია Al Jazeera 20 დაღუპულის შესახებ იუწყება. ქაბულის ერთ-ერთმა საავადმყოფომ განაცხადა, რომ მათ აფეთქების შედეგად დაშავებული 27 პაციენტი, მათ შორის შვიდი წლის ბავშვი მიიღეს.

მედიის ცნობით, დაღუპულთა შორისაა მეჩეთის იმამიც.