სოჭის საერთაშორისო აეროპორტის მახლობლად ხანძარი გაჩნდა. ხანძრის ამსახველი ვიდეო კადრები სოციალურ ქსელში გავრცელდა.

რუსული მედია საგანგებო სიტუაციების სამინისტროს კრასნოდარის ტერიტორიის მთავარი სამმართველოს პრესსამსახურზე დაყრდნობით იუწყება, რომ გაჩენილ ხანძარს აეროპორტის მუშაობა არ შეუფერხებია.

ხანძარი უკვე ლოკალიზებულია.

„აეროპორტის ტერიტორიაზე არაფერი არ იწვის, ამ ტერიტორიაზე დამხმარე შენობას გაუჩნდა ხანძარი, ხანძარი უკვე ლოკალიზებულია, მიმდინარეობს ინფორმაციის დაზუსტება“, - აცხადებენ უწყებაში.