ამ დროისთვის არსებული ინფორმაციით, თურქეთში მომხდარი ავარიის დროს გარდაცვლილთა და დაშავებულთა შორის საქართველოს მოქალაქეები არ არიან. ამის შესახებ „ინტერპრესნიუსს“ თურქეთში საქართველოს ელჩმა გიორგი ჯანჯღავამ განუცხადა.

თურქული მედიის ცნობით, თარსუსი-ადანა-გაზიანთეფის გზაზე, საინფორმაციო სააგენტო „იჰლასის“ სატრანსპორტო საშუალებას სამგზავრო ავტობუსი დაეჯახა, რის შედეგად დაიღუპა 16 ადამიანი, მათ შორის 3 მეხანძრე, 4 მედპორსონალი, 2 ჟურნალისტი. დაშავებულია 21 ადამიანი.