აშშ-ის ფინანსთა მინისტრის მოადგილემ თურქეთის ფინანსთა მინისტრის მოადგილეს განუცხადა, რომ რუსული სუბიექტები და კერძო პირები ცდილობენ თურქეთი დასავლეთის სანქციების გვერდის ავლისთვის გამოიყენონ.

სატელეფონო საუბრისას, მხარეებმა ასევე განიხილეს რუსეთის წინააღმდეგ სანქციების განხორციელების და აღსრულების მიმდინარე ძალისხმევა.

თურქეთის ფინანსთა სამინისტრომ განაცხადა, რომ ამერიკულმა მხარემ ხაზი გაუსვა თურქეთის ღრმა ეკონომიკურ და პოლიტიკურ ურთიერთობებს რუსეთთან და უკრაინასთან, თუმცა ოფიციალურმა ანკარამ ვაშინგტონი დაარწმუნა, რომ ის არ დაუშვებს სანქციების დარღვევას.