რუსთავის მე-6 პენიტენციურ დაწესებულებასთან, პატიმრების ოჯახის წევრები და ახლობლები აქციას მართავენ.

ისინი მსჯავრდებულებისთვის პირობების გაუმჯობესებას ითხოვენ.

აქციის მონაწილეების ინფორმაციით, ბოლო პერიოდში, მე-6 პენიტენციურ დაწესებულებაში შიმშილი 10-მდე პატიმარმა დაიწყო, თუმცა მათ შესაბამისი სამედიცინო დახმარება არ უტარდებათ.

„სამედიცინო მომსახურება არ არის გაწეული. გადაყვანილი ჰყავდათ, სადაც მხოლოდ გადასხმა გაუკეთეს. მას აქვს დაავადებები. მე-11 დღეა, რაც შიმშილობს და, რა თქმა უნდა, ჯანმრთელობის მდგომარეობა უკიდურეს ზღვარზეა“, - აცხადებს ერთ-ერთი პატიმრის ახლობელი.