პოლონეთის პრეზიდენტი, ანჯეი დუდა კიევში ჩავიდა, სადაც უკრაინელ კოლეგას, ვოლოდიმირ ზელენსკის შეხვდება.
პოლონეთის პრეზიდენტის „ტვიტერის“ ოფიციალურ გვერდზე აღნიშნულია, რომ ანჯეი დუდა და ვოლოდიმირ ზელენსკი მიმდინარე ომის ფონზე უკრაინაში არსებულ ვითარებაზე, ეკონომიკურ და ჰუმანიტარულ მხარდაჭერასა და ორმხრივ თანამშრომლობაზე ისაუბრებენ. ამასთან, პოლონეთის პრეზიდენტი „ყირიმის პლატფორმის“ დღეს დაგეგმილ მეორე სამიტშიც მიიღებს მონაწილეობას.
