შპს „საქართველოს გაზის ტრანსპორტირების კომპანია“ 24 აგვისტოს, 02:00-დან 04:00 საათამდე სენაკის გაზგამანაწილებელ სადგურში გადაუდებელ ტექნიკურ სამუშაოებს განახორციელებს, რა დროსაც გაზის მიწოდება სენაკის სამხედრო ბაზას შეუწყდება. ამის შესახებ ინფორმაციას „გაზის ტრანსპორტირების კომპანია“ ავრცელებს.
მათივე ინფორმაციით, ბუნებრივი გაზის მიწოდება გამორთულ გაზგამანაწილებელ სადგურში სამუშაოების დასრულებისთანავე აღდგება.
„შპს „საქართველოს გაზის ტრანსპორტირების კომპანია” სისტემატურად ახორციელებს გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს, რაც უზრუნველყოფს მომხმარებლების უსაფრთხო, საიმედო და უწყვეტ გაზმომარაგებას“, - ნათქვამია ინფორმაციაში.