„საქართველოს ბანკის“ მხარდაჭერით ქარელში თანამედროვე ტექნოლოგიით ბოსტნეულის წარმოება დაიწყო

„საქართველოს ბანკი“ რეგიონებში მცირე მეწარმეებს აძლევს შესაძლებლობას, გაზარდონ და განავითარონ საკუთარი ბიზნესი.

„საქართველოს ბანკის“ ინფორმაციით, ამ მიზნით კი ბანკმა ქარელში მცირე მეწარმე დააფინანსა, რომლის საქმიანობას ბოსტნეულის თანამედროვე ტექნოლოგიით წარმოება წარმოადგენს.

მათივე ცნობით, მეწარმეს 26ჰა-ზე მოჰყავს პროდუქტი, მის რეალიზაციას კი ადგილობრივ ბაზარზე ახდენს. პროექტის ჯამური ღირებულება 700 000-ია. ბანკის მხრიდან გაცემული ფინანსური რესურსი კი 600 000 ლარს შეადგენს.

„ბანკის მხარდაჭერით შევძელით გაგვეკეთებინა სამაცივრე მეურნეობა 200 ტონის მოცულობით, ასევე, 1080 კვ.მ -ზე გავაკეთეთ და მოვაწყვეთ სასაწყობე ფართი ბოსტნეულის შესანახად. ვიყენებთ თანამედროვე მოსავლის საწარმოებელ ტექნიკას და აგრეგატებს. მთელი წლის განმავლობაში დასაქმებული გვყავს მუშახელი, მოსავლის აღების პერიოდში მათი რაოდენობა კიდევ უფრო იზრდება. პროდუქციის რეალიზაციას ჩვენს მუდმივ მომხმარებელთან ვახორციელებთ, ასევე, სავაჭრო ქსელებთან თბილისის, ქუთაისისა და ბათუმის მასშტაბით. წარმოებული კარტოფილის საჰექტრო მოსავლიანობას ვიღებთ 63 ტონას, ხოლო ხახვის საჰექტრო მოსავლიდან ველოდებით 80 ტონის მიღებას“, - ამბობს მცირე მეწარმე, დავით არხოშაშვილი.

„ჩვენ მოხარული ვართ, მხარი დავუჭიროთ მეწარმეებს. საქართველოს ბანკის ერთ-ერთ პრიორიტეტს აგრობიზნესის მხარდაჭერა და რეგიონების განვითარება წარმოადგენს. მეწარმე სულ ერთი წელია საქმიანობს და უკვე წარმატებით ახორციელებს პროდუქციის რეალიზაციას. სამომავლოდ კი გეგმავს გაფართოებას და უფრო დიდ ფართობზე ბოსტნეულის წარმოებას, მას ამისთვის უკვე აქვს შესაბამისი ტექნიკა, აგრეგატები და გამოცდილებაც“, - განაცხადა საცალო ბიზნესის საბანკო მომსახურების დეპარტამენტის დირექტორმა მერაბ ახვლედიანმა.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ