ზაპოროჟიეს ოლქში, მელიტოპოლში უკრაინელმა პარტიზანებმა ღამით რუსი ოკუპანტების შტაბი ააფეთქეს, სადაც ისინი ფსევდორეფერენდუმისთვის ემზადებოდნენ, - ინფორმაციას უკრაინული მედია მელიტოპოლის მერზე, ივან ფედოროვზე დაყრდნობით ავრცელებს.

"წინააღმდეგობის ძალები არა მხოლოდ მინიშნებებს აძლევენ, არამედ ხმამაღლა უცხადებენ ოკუპანტებს, რომ აქ მათ ყოფნას არ მიესალმებიან. ყველაფერი, რაც ფსევდორეფერენდუმის მომზადებას უკავშირდება, ადგილზე განადგურდება", - განაცხადა მერმა.

მისივე თქმით, შტაბი პრიაზოვსკოეს დასახლებაში მდებარეობდა და იქ რუსი ოკუპანტები ე.წ.რეფერენდუმისთვის ემზადებოდნენ და მოქალაქეებს რუსულ პასპორტებს ურიგებდნენ.