იტალია არ მიატოვებს უკრაინელ ხალხს - ამის შესახებ კიევში ვიზიტად მყოფმა იტალიის საგარეო საქმეთა მინისტრმა ლუიჯი დი მაიომ უკრაინის პრეზიდენტს ვოლოდიმირ ზელენსკის განუცხადა.

ინფორმაციას იტალიური მედია ავრცელებს.

დი მაიომ დასძინა, რომ აუცილებელია დიპლომატიური გზის ძიება "მშვიდობის აღსადგენად და დემოკრატიის დასაცავად".

მანამდე, იტალიის საგარეო საქმეთა მინისტრი ირპინს ეწვია.

„სიკვდილი და სისასტიკე. ქალაქები დანგრეულია, მიწასთანაა გასწორებული: ეს არის სიმართლე. ომი რეალურია, შეხედეთ ამ სურათებს. მათ, ვისაც მინიმუმამდე დაჰყავს [რუსეთის უკრაინაში შეჭრა] დანაშაულის თანამონაწილეები არიან" , - განაცხადა იტალიის საგარეო საქმეთა მინისტრმა.