„საქართველოს აეროპორტების გაერთიანება“ - ცნობილი მასშტაბური პროექტის მონაწილეებს - „მოდი, დავიკარგოთ Wizz air-თან ერთად, იმერეთი უმასპინძლებს

სამი დღის განმავლობაში იმერეთის რეგიონი მსოფლიოს ციფრული მედიის ყურადღების ცენტრში იქნება. ცნობილი მასშტაბური პროექტის მონაწილეებს „Let’s GET LOST with WIZZAIR“ - „მოდი, დავიკარგოთ Wizz air-თან ერთად“ 26-28 აგვისტოს ჩათვლით იმერეთის რეგიონი უმასპინძლებს. ამის შესახებ ინფორმაციას „საქართველოს აეროპორტების გაერთიანება“ ავრცელებს.

მათივე ინფორმაციით, დიდი ბრიტანეთის, ესპანეთისა და ავსტრიის შემდეგ, საქართველო გახდება პირველი ქვეყანა, სადაც მსგავსი უპრეცედენტო და მასშტაბური პროექტი განხორციელდება. კონკურსის ფარგლებში, არაბთა გაერთიანებული საამიროებიდან 200 მდე ინფლუენსერსა და ბლოგერს ავიაკომპანიისგან უფასო სამგზავრო ბილეთები გადაეცათ, სპეციალური ჩარტერი აბუ დაბიდან აფრინდა, დანიშნულების ადგილი კი ქუთაისის საერთაშორისო აეროპორტში დაშვებამდე პროექტის მონაწილეებისათვის უცნობი იყო. 600- მდე მსურველიდან ავიაკომპანიამ 200 მგზავრი შეარჩია, რომლებიც სამი დღის განმავლობაში იმერეთის სტუმრები იქნებიან. ისინი რეგიონის ღირშესანიშნაობებს, დაცულ ტერიტორიებს, კულტურული მემკვიდრეობის ძეგლებს, იმერულ მარნებსა და გასტრო სახლებს ესტუმრენიან.

„საქართველოს აეროპორტების გაერთიანების“ ინფორმაციით, პროექტის შედეგად ავიაკომპანია ქუთაისის მიმართულებით აბუ დაბიდან რეისებზე სიხშირეების გაზრდას ვარაუდობს, რაც ქვეყანაში მაღალმხარჯველი ტურისტების შემოსვლას შეუწყობს ხელს.

„საქართველო, კონკრეტულად იმერეთის რეგიონი მსგავს მასშტაბურ პროექტს პირველად მასპინძლობს. ეს არის უდიდესი შესაძლებლობა როგორც ქუთაისის აეროპორტისთვის, ისე იმერეთის რეგიონისთვის წარმოჩინდეს ახლო აღმოსავლეთის ბაზარზე. საქართველოში პროექტის განხორციელების ინიციატივა - საქართველოს ავიაბაზრის ლიდერს - ავიაკომპანია Wizz Air-ს და მის შვილობილ კომპანია Wizz Air Abu Dhabi-ის ეკუთვნის. რისთვისაც მადლობა გვსურს გადავუხადოთ ჩვენს სტრატეგიულ პარტნიორს, რომ 50- ზე მეტი მიმართულებიდან, სადაც ისინი დაფრინავენ, ამ პროექტისთვის სწორედ ქუთაისი შეარჩია. სპეციალური ჩარტერით აბუდაბიდან ჩვენს აეროპორტში 200- მდე ბლოგერი და ინფლუენსერი ჩამოფრინდა, რომელთა ჯამური გამომწერების რაოდენობა დაახლოებით 30 მილიონი ადამიანია. ეს პროექტი საშუალებას მოგვცემს მაქსიმალურად მოვიცვათ ახლო აღმოსავლეთის ბაზარი, რაც სრულიად ახალი მიმართულებაა ქუთაისისთვის და მთლიანად იმერეთის რეგიონისთვის“, - განაცხადა „საქართველოს აეროპორტების გაერთიანების“ საზოგადოებასთან ურთიერთობის მენეჯერმა ნანა ბარამიძემ.

პროექტის საქართველოში განხორციელების ინიციატივა - საქართველოს ავიაბაზრის ლიდერს - ავიაკომპანია Wizz Air-ს და მათ შვილობილ კომპანია Wizz Air Abu Dhabi-ის ეკუთვნის. პროექტის ორგანიზატორები არიან ქუთაისის აეროპორტის ოპერატორი კომპანია - საქართველოს აეროპორტების გაერთიანება, DMO IMERETI და ტურიზმის ეროვნული ადმინისტრაცია.

ამ ეტაპზე, აბუ დაბი-ქუთაისი-აბუ დაბის საჰაერო ხაზზე რეისები კვირაში 4 სიხშირით სრულდება. ქუთაისის საერთაშორისო აეროპორტის არსებობის მანძილზე, ახლო აღმოსავლეთში პირდაპირი რეგულარული რეისებით მოხვედრა 2021 წლის დეკემბრიდან გახდა შესაძლებელი.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება