ოთარ შამუგია კორეის რესპუბლიკის დელეგაციას შეხვდა

გარემოს დაცვისა და სოფლის მეურნეობის მინისტრი ოთარ შამუგია კორეის რესპუბლიკის პრეზიდენტის სპეციალურ წარმომადგენელს, სუჰ ბიონსუს და ეროვნული ასამბლეის დეპუტატებს შეხვდა.

სამინისტროს ინფორმაციით, შეხვედრაზე მხარეებმა ქვეყნებს შორის სავაჭრო-ეკონომიკური ურთიერთობების გაღრმავების პერსპექტივები განიხილეს. მინისტრმა დელეგაციის წარმომადგენლებს ქვეყნის ეკოტურისტული და აგროტურისტული შესაძლებლობების შესახებ მიაწოდა ინფორმაცია.

ოთარ შამუგიამ პრეზიდენტის სპეციალურ წარმომადგენელს მადლობა გადაუხადა დაცული ტერიტორიების სააგენტოსთვის გაწეული ტექნიკური დახმარებისთვის. აღსანიშნავია, რომ 2021 წელს, კორეის ეროვნული პარკების სამსახურსა და დაცული ტერიტორიების სააგენტოს შორის გაფორმდა ურთიერთთანამშრომლობის მემორანდუმი. თანამშრომლობის ფარგლებში, უკვე განხორციელდა რამდენიმე მნიშვნელოვანი ღონისძიება.

შეხვედრაზე ოთარ შამუგიამ სოფლის მეურნეობის ადგილობრივი წარმოების იმ პროდუქციაზე გაამახვილა ყურადღება, რომელსაც განსაკუთრებული საექსპორტო პოტენციალი აქვს და ხაზგასმით აღნიშნა ქართული ღვინის, როგორც მთავარი საექსპორტო პროდუქტის მნიშვნელობის საკითხი.

მინისტრმა კორეის პრეზიდენტის სპეციალურ წარმომადგენელს გამოფენის „ექსპო-2030“ კორეაში გამართვასთან დაკავშირებით მხარდაჭერა გამოუცხადა და აღნიშნა, რომ საქართველოს გარემოს დაცვისა და სოფლის მეურნეობის სამინისტრო, კომპეტენციის ფარგლებში, მხარს დაუჭერს კორეის რესპუბლიკის ქ. ბუსანის კანდიდატურას, World Expo 2030 მასპინძელ ქვეყანათა შესარჩევ ეტაპზე.

სუჰ ბიონსუმ მხარდაჭერისთვის ოთარ შამუგიას განსაკურებული მადლობა გადაუხადა. კორეის რესპუბლიკის პრეზიდენტის სპეციალურმა წარმომადგენელმა შეხვედრაზე აღნიშნა, რომ ქართული ღვინო კორეის რესპუბლიკაში მზარდი პოპულარობით გამოირჩევა, რაც ქვეყნებს შორის სავაჭრო ურთიერთობების გაღრმავების მნიშვნელოვან წინაპირობას წარმოადგენს.

ღვინის ეროვნულმა სააგენტომ კორეის ბაზარზე სტრატეგიული მარკეტინგული აქტივობების განხორციელება აქტიურად 2019 წლიდან დაიწყო. 2019 და 2022 წლებში, ქართული ღვინის მწარმოებელმა კომპანიებმა მონაწილეობა მიიღეს კორეის ღვინის და ალკოჰოლური სასმელების გამოფენაში „Seoul Wine and Expo“. ასევე აღსანიშნავია, რომ ღვინის ეროვნული სააგენტოს მხარდაჭერით, 25-28 აგვისტოს ჩათვლით, კორეის რესპუბლიკის ქალაქ დეჯონში საერთაშორისო ღონისძიებაზე „Daejeon International Wine Festival 2022“ ქართული ღვინოა წარმოდგენილი.

გარემოს დაცვისა და სოფლის მეურნეობის სამინისტროში გამართულ შეხვედრას მინისტრის პირველი მოადგილე გიორგი ხანიშვილი, მინისტრის მოადგილე ნინო თანდილაშვილი და შესაბამისი სამსახურის წარმომადგენლები ესწრებოდნენ.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა