„ქართულ-უკრაინული თანამეგობრობის ალიანსი“ უკრაინის დამოუკიდებლობის დღესთან დაკავშირებით გამართული ღონისძიებების შესახებ ინფორმაციას ავრცელებს
უკრაინის საელჩოში დამოუკიდებლობის დღისადმი მიძღვნილი ღონისძიება გაიმართა. ინფორმაციას „ქართულ-უკრაინული თანამეგობრობის ალიანსი“ ავრცელებს.
ღონისძიების ფარგლებში, მსოფლიოს 50-ზე მეტ ქვეყანაში მდებარე უკრაინის წარმომადგენლობების მეშვეობით შეკრებილმა ათასობით ადამიანმა უკრაინის ეროვნული ჰიმნი ერთად შეასრულა.
საქართველოს საელჩოს სახელით საზოგადოებას სიტყვით უკრაინის ელჩის მოვალეობის შემსრულებელმა საქართველოში, ანდრეი კასიანოვმა მიმართა.
„ქართულ-უკრაინული თანამეგობრობის ალიანსმა“ აღნიშნული ღონისძიების ფარგლებში უკრაინის საელჩოდან უკრაინის დამოუკიდებლობისა და დროშის დღე თითოეულ უკრაინელს მიულოცა.
„დღეს უკრაინა თითოეული უკრაინელის გმირობის ფასად დამოუკიდებლობას იცავს და ინარჩუნებს. გვინდა, უკრაინას დამოუკიდებლობის შენარჩუნების გზაზე მშვიდობა და გამარჯვება ვუსურვოთ“, - განაცხადა ალიანსის თავმჯდომარემ, ირაკლი კაჭარავამ.
