რუსეთს ყირიმში მძიმე სამხედრო ტექნიკა გადააქვს

რუსეთს ოკუპირებულ ყირიმში მძიმე სამხედრო ტექნიკა გადააქვს, - ამის შესახებ ინფორმაციას უკრაინული მედია შეიარაღებული ძალების სტრატეგიული კომუნიკაციების დეპარტამენტზე დაყრდნობით ავრცელებს.

მათივე ცნობით, მძიმე სამხედრო ტექნიკის გადაადგილება ყირიმის ხიდთან დააფიქსირეს. კერძოდ, თვითმხილველების განცხადებით, კოლონა შედგება T-72 და T-80 ტანკებისგან; 152 მმ-იან და 122 მმ-იან 2S19 Msta და „გვოზდიკას“ თვითმავალ საარტილერიო დანადგარებისგან, ქვეითთა საბრძოლო მანქანებისგან, სატვირთო მანქანებისგან, საწვავის ავზებსა და საინჟინრო სპეცტექნიკისგან.