ხატია დეკანოიძე - მიხეილ სააკაშვილის ჯანმრთელობის მდგომარეობა შემაშფოთებელია და მისი ტრანსფერი ჰუმანიტარული მნიშვნელობის საკითხია, რადგან უნდა გადარჩეს

ფრაქცია „ნაციონალური მოძრაობის“ თავმჯდომარის, ხატია დეკანოიძის განცხადებით, მიხეილ სააკაშვილის ჯანმრთელობის მდგომარეობა შემაშფოთებელია და მისი ტრანსფერი ჰუმანიტარული მნიშვნელობის საკითხია, რადგან “უნდა გადარჩეს”.

ამასთან, როგორც დეკანოიძემ ჟურნალისტებს განუცხადა, პროცესში დამოუკიდებელი ექსპერტების ჩართვა მნიშვნელოვანია და შეფასება, რომელსაც ისინი მოამზადებენ, ხელისუფლებამ უნდა გაითვალისწინოს.

„რამდენიმე დღის წინ მოვინახულე და მისი გარეგნული ნიშნები - განსაკუთრებით სისუსტე და წონის კლება, შემაშფოთებელია. ძალიან მნიშვნელოვანია დამოუკიდებელი ექსპერტების დასკვნა. ასევე მნიშვნელოვანია, ამ ადამიანებს მიეცეთ სრულყოფილი სამუშაო პირობები და გარემო, რაც ითვალისწინებს იმას, რომ მიხეილ სააკაშვილის მდგომარეობა სწორედ მათ მიერ შეფასდეს.

საქართველოს ხელისუფლების პასუხისმგებლობაა მისი სიცოცხლის, ჯანმრთელობის მდგომარეობის დაცვა. მიხეილ სააკაშვილის ტრანსფერი არის ერთ-ერთი ყველაზე უფრო ძირეული საკითხი, ჰუმანიტარული საკითხია, უკვე პოლიტიკურ განზომილებაშიც აღარაა, რაც გულისხმობს იმას, რომ იგი უნდა გადარჩეს. მის ჯანმრთელობას ემუქრება საფრთხე, მიუხედავად იმისა, რომ ის ნამდვილად კმაყოფილია კლინიკის ექიმებისა და მკურნალობის, მაგრამ მისი ფიზიკური მონაცემები მაძლევს იმის ფიქრის საფუძველს, რომ მკურნალობის მხრივ არანაირი პროგრესი არაა. ამიტომ მნიშვნელოვანია, როგორი იქნება ექსპერტების შეფასება, რომელიც ხელისუფლებამ უნდა გაითვალისწინოს”,- განაცხადა ხატია დეკანოიძემ.

ცნობისთვის, უცხოელი სამედიცინო ექსპერტები, რომლებიც საქართველოში სააკაშვილის ჯანმრთელობის მდგომარეობის შესასწავლად ჩამოვიდნენ, ყოფილი პრეზიდენტის მოსანახულებლად კლინიკა „ვივამედში“ დღეს მივიდნენ.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!