გერმანიის კანცლერმა ოლაფ შოლცმა მოკავშირეებს საერთო ევროპული რაკეტსაწინააღმდეგო თავდაცვის სისტემის შექმნისკენ მოუწოდა. მისი ინიციატივით, ჰაერსაწინააღმდეგო თავდაცვის სისტემა დაფარავს გერმანიასა და მეზობელ ქვეყნებს.

„გერმანია დასაწყისშივე ისე დააპროექტებს ჰაერსაწინააღმდეგო თავდაცვის სისტემას, რომ სურვილის შემთხვევაში მასში ჩართვა მოახერხონ ჩვენმა მეზობელმა ქვეყნებმა“, - განაცხადა ოლაფ შოლცმა.

გერმანიის კანცლერის განმარტებით, ჰაერსაწინააღმდეგო თავდაცვის სისტემა დაიცავს პოლონეთს, ბალტიის ქვეყნებს, ჰოლანდიას, ჩეხეთს, სლოვაკეთსა და სკანდინავიის ქვეყნებს.