ქუთაისი 3 დღის განმავლობაში მსოფლიოს რამდენიმე ქვეყნიდან საერთაშორისო მედიის წარმომადგენლებს, ბლოგერებსა და ინფლუენსერებს მასპინძლობდა

ქუთაისი 3 დღის განმავლობაში მსოფლიოს რამდენიმე ქვეყნიდან საერთაშორისო მედიის წარმომადგენლებს, ბლოგერებსა და ინფლუენსერებს მასპინძლობდა „GET LOST WIZZAIR“ – „დაიკარგე Wizz air-თან ერთად“ პროექტის ფარგლებში. აღნიშნულთან დაკავშირებით ინფორმაციას ქუთაისის მერია ავრცელებს.

ქუთაისის მერის, იოსებ ხახალეიშვილის განცხადებით, ყველა იმ საერთაშორისო პროექტს, რომელიც ქუთაისის პოპულარიზაციას ხელს შეუწყობს, მერიის მხარდაჭერა ექნება.

„ტურიზმის მხარდაჭერა ჩვენი ერთ-ერთი პრიორიტეტია, რადგან კარგად გვესმის, როგორი მნიშვნელოვანია ქუთაისის განვითარებისთვის ქალაქის ცნობადობის ამაღლება მსოფლიო ტურისტულ სივრცეში. სწორედ, ამ მიზნით დავუჭირეთ მხარი საერთაშორისო პროექტს „GET LOST WIZZAIR“ – „დაიკარგე Wizz air-თან ერთად."

ჩვენი სტუმრების მიერ სხვადასხვა პლატფორმებზე გამოქვეყნებული ყველა ამბავი, ისტორია, ფოტო, თუ ვიდეო კადრი ქუთაისიდან, სტიმული გახდება მრავალი ტურისტული კომპანიისა, თუ ცალკეული ვიზიტორისთვის, რომ დანიშნულების ადგილად რაც შეიძლება ხშირად მიუთითონ ქუთაისი.

ასეთივე მხარდაჭერა ექნება ჩვენგან ყველა იმ საერთაშორისო პროექტს, რომელიც ხელს შეუწყობს ქუთაისის პოპულარიზაციას სხვადასხვა მიმართულებით",- განაცხადა იოსებ ხახალეიშვილმა.