სანდრო რაქვიაშვილი - პარტიების ნაწილი არასამთავრობო სექტორს ამოეფარა

ეს არის უბრალოდ პასუხისმგებლობისგან გაქცევა - პარტიების ნაწილი არასამთავრობო სექტორს ამოეფარა, - ამის შესახებ "გირჩის" დეპუტატმა სანდრო რაქვიაშვილმა განაცხადა, რითაც გამოეხმაურა "ლელოს", "სტრატეგია აღმაშენებლის" და "ნაციონალური მოძრაობის" პოზიციას, რომ სახალხო დამცველის იმ კანდიდატურას დაუჭირონ მხარი, რომელსაც არასამთავრობო სექტორი შეარჩევს.

რაქვიაშვილის თქმით, შესაძლოა, არასამთავრობო ორგანიზაციების კანდიდატი მასაც მოეწონოს, მაგრამ საბოლოოდ პასუხისმგებლობის აღება სწორედ პოლიტიკურ პარტიებს უწევთ.

„თუ არ გაქვს პოზიცია და არ შეგიძლია პასუხისმგებლობა აიღო შენს არჩევანზე და ეს არჩევანი დაიცვა, მაშინ რას აკეთებ პოლიტიკაში? იმის უკან დაიმალო, რომ მოდი სახალხო დამცველის კანდიდატურას სხვა ხალხი ამირჩევს და მე უბრალოდ ამას პარლამენტში შემოვიტან, ეს მგონი, არასერიოზულია, პირიქით, მგონი გვჭირდება, რომ პოლიტიკურ პარტიებს, ყველას თავის პოზიცია ჰქონდეს და დებატებში, ღია დისკუსიით გავარკვიოთ რა გვინდა. ასე გამოვიდა, რომ პარტიების ნაწილი ამოეფარა როგორც ფარს არასამთავრობო სექტორს, არასამთავრობო სექტორის წარმომადგენელი რომ ხარ, არ ნიშნავს, რომ მაინც და მაინც ჭკვიანი ხარ. ადამიანის უფლებები შეიძლება გესმოდეს, მაგრამ გადაწყვეტილების მიღება ხომ პარლამენტში მოხდება და თუ პარლამენტარი ხარ, პასუხისმგებლობა ხომ უნდა აიღო შენს გადაწყვეტილებაზე? თუ შენ უნდა აიღო პასუხისმგებლობა, ესეიგი შენი არჩევანი უნდა იყოს და არა არასამთავრობო სექტორის. შეიძლება ის ხალხი (არასამთავრობო სექტორი) ჩაერთოს, ისეთი კანდიდატურა იპოვონ, რომელიც მეც მომეწონება, მაგრამ საბოლოო ჯამში ხომ მე უნდა დავაჭირო ღილაკს? როგორ დავაჭირო, თუ ეს ჩემი გადაწყვეტილება არ იქნება,"- განაცხადა რაქვიაშვილმა.

მისივე თქმით, მათი პოზიციაა, რომ კანდიდატთან დაკავშირებით, რაც შეიძლება მაღალი ხარისხის კონსენსუსი უნდა იყოს მიღწეული.

"წინ ბევრი დისკუსია გველის, მათ შორის, არასამთავრობო ორგანიზაციებთანაც და ზოგადად იმაზე, თუ როგორი უნდა იყოს სახალხო დამცველი. ჩვენ სხვანაირად წარმოგვიდგენია სახალხო დამცველის ფუნქცია, ეს ინსტიტუცია საერთოდ ზედმეტია, თუ სასამართლო და პროკურატურა კარგად მუშაობს. სახალხო დამცველი რომ გვყავს, ამით ვაღიარებთ, რომ სასამართლო სისტემა არ ვარგა და ამით გვინდა დავაკომპენსიროთ. სახალხო დამცველის შინაარსი არის ამ სისტემასთან დაპირისპირება, ბრძოლა, უფლებების დაცვა. უფლებები რაში მდგომარეობს, ამაზეც არ გვაქვს თანხმობა ხშირად, მაგალითისთვის, ჩვენი ახლანდელი სახალხო დამცველი ჩუმად იყო მთელი კორონაისტერიის დროს და როცა მასობრივად არღვევდა მთავრობა უფლებებს, არ გაუკრიტიკებია. ამიტომ საჯარო დისკუსიები თუ გაიმართება, ყველასთვის ცხადი იქნება ვინ რა პოზიციაზე დგას და დავაკმაყოფილებთ მინიმუმ გამჭვირვალობის კრიტერიუმს, თუ ამას მოჰყვება სათანადო კონსენსუსი, ეს არჩევანი იქნება ლეგიტიმური", - განაცხადა რაქვიაშვილმა.

ცნობისათვის, დღეს სახალხო დამცველის შერჩევის წესთან დაკავშირებით, რომელიც ევროკავშირის ერთ- ერთი რეკომენდაციაა კანდიდატის სტატუსის მისაღებად, საპარლამენტო პოლიტიკურ სუბიექტებს შორის შეხვედრა გაიმართა. შეხვედრას ოპოზიციიდან "გირჩის", "მოქალაქეების", "საქართველოსთვის" და "ევროპელი სოციალისტების" დეპუტატები ესწრებოდნენ. შეხვედრას არ დაესწრო "ლელო", "ნაციონალური მოძრაობა" და "სტრატეგია აღმაშენებელი". ისინი გეგმავენ მხარი იმ კანდიდატს დაუჭირონ, რომელსაც არასამთავრობო სექტორი შეარჩევს.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი