რუსეთმა დაგმო ბალტიისპირეთის სამ ქვეყანაში საბჭოთა მემორიალების განადგურება და აღნიშნული სახელმწიფოები რუსულენოვანი უმცირესობების დევნაში დაადანაშაულა.

რუსეთის საგარეო საქმეთა სამინისტრო ლატვიას, ლიეტუვას და ესტონეთს ქსენოფობიაში ადანაშაულებს და აცხადებს, რომ ისინი თავიანთ ეთნიკურ რუს უმცირესობებს როგორც „მეორე კლასის მოქალაქეებს“ ისე ექცევიან.

ლავროვის უწყების განცხადებით, ბალტიისპირეთის ქვეყნებში რუსულენოვანი მედია, საბავშვო ბაღები და სკოლები იხურება, ასეთი „რუსოფობიური მიდგომები“ კი „უდავოდ, ამ ქვეყნებთან ორმხრივი ურთიერთობების მდგომარეობაზე იმოქმედებს, რომლებიც უკვე სრულად გაუარესებულია“.