კრწანისის ქუჩისა და კრწანისის მეორე შესახვევის სრული რეაბილიტაცია დაიწყო

კრწანისის რაიონში, კრწანისის ქუჩისა და კრწანისის მეორე შესახვევის სრული რეაბილიტაცია დაიწყო. ამის შესახებ ინფორმაციას თბილისის მერია ავრცელებს.

სამუშაოებს დედაქალაქის მერი, კახა კალაძე, მოადგილე, ირაკლი ბენდელიანთან ერთად, ადგილზე გაეცნო.

„კრწანისის რაიონში კიდევ ერთი ინფრასტრუქტურული პროექტის განხორციელება დავიწყეთ. სამუშაოების პირველ ეტაპზე, მიწისქვეშა კომუნიკაციები შეიცვლება. სამწუხაროდ, წყალი ხშირად ითიშებოდა, სანიაღვრე სისტემა საერთოდ მოშლილი, უფუნქციო იყო. სამუშაოები გაზაფხულზე დასრულდება. მოწესრიგდება მიწისქვეშა კომუნიკაციები, შეიცვლება განათების ბოძები თავისი ლედ სანათებით, ქუჩა შშმ პირთათვის მთლიანად ადაპტირდება“, - განაცხადა კახა კალაძემ.

მათი ცნობით, სარეაბილიტაციო პროექტის ფარგლებში, კრწანისის ქუჩაზე წყალარინებისა და წყალმომარაგების ქსელების განახლებას კომპანია GWP განახორციელებს, ხოლო გაზმომარაგების მაგისტრალური ქსელის რეაბილიტაციას -„თბილისი ენერჯი“.

“მერიის ინფრასტრუქტურის განვითარების საქალაქო სამსახურის მიერ მოეწყობა სანიაღვრე ქსელი. საჰაერო სადენები მიწისქვეშა კაბელ-არხებში განთავსდება, ასევე, მოეწყობა გარე განათების ქსელი, ხოლო 2 500 გრძივ მეტრზე, სულ 22 700 კვ.მ ფართობზე საგზაო სამუშაოები განხორციელდება. ქუჩაზე არსებული ინფრასტრუქტურა ადაპტირდება შეზღუდული შესაძლებლობის მქონე პირებისთვის.

სარეაბილიტაციო სამუშაოებს, ინფრასტრუქტურის განვითარების საქალაქო სამსახურის კონტრაქტორი კომპანია განახორციელებს, რომლის სახელშეკრულებო ღირებულება 4 000 000 ლარამდე შეადგენს.

დაგეგმილი სამუშაოებიდან გამომდინარე, მიმდინარე წლის 1-ლი სექტემბრიდან კრწანისისა და გორგასლის ქუჩების კვეთიდან საავტომობილო მოძრაობა ნაწილობრივ შეიზღუდა.

კახა კალაძესთან ერთად ადგილზე თბილისის მერიის ინფრასტრუქტურის განვითარების საქალაქო სამსახურის უფროსი, ლევან ნაროუშვილი, კრწანისის რაიონის გამგებელი, ბექა მიქაუტაძე, საკრებულოს კრწანისის რაიონის მაჟორიტარი დეპუტატი ლევან ჯაფარიძე და პარლამენტის წევრი ბექა ოდიშარია იმყოფებოდნენ“,- ნათქვამია გავრცელებულ ინფორმაციაში.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას