"თიბისი" მგზავრობის საფასურის გადახდის ახალ სისტემაში ჩაერთო

1-ელი სექტემბრიდან თიბისი მგზავრობის საფასურის გადახდის ახალ სისტემაში ჩაერთო. „თიბისის“ მომხმარებლებს შესაძლებლობა მიეცათ, საზოგადოებრივი ტრანსპორტის სამგზავრო აბონემენტი „თიბისის“ ბარათს მიაბან. ამის შესახებ ინფორმაციას „თიბისი“ ავრცელებს.

მათი ცნობით, თბილისის საზოგადოებრივი ტრანსპორტის სამგზავრო აბონემენტის შეძენა და „თიბისის“ სასურველ ბარათზე დამატება შესაძლებელია მარტივად, „თიბისის“ ციფრული ბანკის მეშვეობით და ასევე საბანკო სივრცეში ვიზიტით. საბანკო/სამგზავრო ბარათი აქტიურდება შეძენიდან 3 (სამი) წუთში.

სამგზავრო აბონემენტის გამოყენება შესაძლებელია თბილისის შემდეგ საზოგადოებრივ ტრანსპორტში: თბილისის მეტრო; თბილისის ავტობუსი; თბილისის ლურჯი მიკროავტობუსი; თბილისის უნივერსიტეტი-ბაგების საბაგირო გზა.

„თიბისის“ გადახდების განვითარების მიმართულების ხელმძღვანელის, მარიამ გოგიას განცხადებით, „თიბისი“ არსებობის 30 წლის მანძილზე, მუდმივად ცდილობს ადამიანებს გაუმარტივოს ცხოვრება და ხელი შეუწყოს ციფრული სიახლეების დანერგვას.

„ამ ძალისხმევის ნაწილია თბილისის სატრანსპორტო კომპანიასთან თანამშრომლობა, რომელიც ადამიანებს საშუალებას აძლევს, თიბისის ბარათებს დაამატონ სამგზავრო აბონემენტები და უფრო მარტივად გადაიხადონ საზოგადოებრივი ტრანსპორტით სარგებლობის გადასახადი. ეს სიახლე საშუალებას გვაძლევს, ჩვენი წვლილი შევიტანოთ თბილისის სატრანსპორტო ინფრასტუქტურის გაუმჯობესებასა და განახლებაში“,- განმარტავს მარიამ გოგია.

შეგახსენებთ, რომ „თიბისის“ ბარათით მგზავრობის საფასურის გადახდა შესაძლებელია თბილისის, ქუთაისის, გორისა და ფოთის საზოგადოებრივ ტრანსპორტში.

დამატებითი ინფორმაციისთვის იხილეთ ბმული: https://link.tbc.ge/transport_

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
ახალ სტრატეგიულ პერიოდში „პაშა ბანკი საქართველო“ მიზნად ისახავს, გახდეს ერთ-ერთი მთავარი არჩევანი ადგილობრივი კორპორატიული მომხმარებლებისთვის