საქართველოში სწავლის გაგრძელების მსურველი სტუდენტებისათვის გამოცდა ჩატარდა

უცხო ქვეყნების უმაღლესი საგანმანათლებლო დაწესებულებებიდან საქართველოში სწავლის გაგრძელების მსურველებისათვის გამოცდა დღეს ჩატარდა. შეფასებისა და გამოცდების ეროვნული ცენტრის ინფორმაციით, გამოცდაზე დარეგისტრირებული იყო 120-ზე მეტი მსურველი.

„გამოცდა 12:00 საათზე დაიწყო და 2 საათი და 30 წუთი მიმდინარეობდა. გამოსაცდელებმა გამოცდის წარმატებით ჩასაბარებლად აუცილებელია დააგროვონ ტესტისთვის განსაზღვრული მაქსიმალური ქულის 50%-ზე მეტი (მინიმუმ 23 ქულა).

გამოცდის შედეგები ნაშრომების გასწორებისთანავე გახდება ცნობილი. შედეგების ნახვა შესაძლებელი იქნება ვებგვერდზე: online.naec.ge იმ პაროლის გამოყენებით, რომელსაც გამოცდის დღეს ცენტრის თანამშრომელი გადასცემს მონაწილეს.

საქართველოში სწავლის გაგრძელების მსურველთა გამოცდას შეფასებისა და გამოცდების ეროვნული ცენტრი წელიწადში ორჯერ ატარებს. მომდევნო გამოცდისთვის რეგისტრაციის თარიღი მოგვიანებით გახდება ცნობილი“, - ნათქვამია ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო