პროფესიული კავშირების გაერთიანებამ საქართველოში გაერო-ს ადგილობრივ კოორდინატორსა და სოციალურ პარტნიორებთან შეხვედრა გამართა

საქართველოს პროფესიული კავშირების გაერთიანებამ საქართველოში გაეროს ადგილობრივ კოორდინატორსა და სოციალურ პარტნიორებთან შეხვედრა გამართა.

პროფკავშირების გაერთიანების ინფორმაციით, მხარეებს შორის ეს იყო პირველი საორიენტაციო გაცნობითი ხასიათის შეხვედრა, რომელზეც შრომითი უფლებების კუთხით მთავარი გამოწვევები და შრომის ბაზრის განვითარების პრიორიტეტები მიმოიხილეს და შეხედულებები გაცვალეს. შეხვედრაში მონაწილეობა დამსაქმებელთა ასოციაციამაც მიიღო.

„საქართველოს პროფესიული კავშირების გაერთიანების თავმჯდომარემ ირაკლი პეტრიაშვილმა ყურადღება გაამახვილა იმ გამოწვევებზე, რომელსაც ქვეყანაში პროფკავშირები და დასაქმებულები აწყდებიან.

პროფკავშირების გაერთიანების თავმჯდომარემ განსაკუთრებული აქცენტი ყველა დონეზე სოციალური დიალოგის განვითარების პრობლემასა და ამ მიმართულებით დამსაქმებელთა და სახელმწიფოს წარმომადგენელთა ცნობიერების ამაღლების საჭიროებაზე გააკეთა. ასევე, ისაუბრა შრომის ბაზარზე არსებულ უთანასწორობებზე, მათ შორის გამოყო: გენდერული უთანასწორობა, ქალისა და მამაკაცის ხელფასებს შორის სახელფასო სხვაობა, დეკრეტული შვებულების არასამართლიანი პოლიტიკა და ყურადღება დაუთმო ისეთ საკითხებს როგორიც არის: მინიმალური ხელფასი, საარსებო მინიმუმი, უმუშევრობის შემწეობა, არაფორმალური დასაქმება, ბავშვთა შრომა და მიგრანტთა შრომითი პრობლემები.

პეტრიაშვილმა შეხვედრაზე ასევე ყურადღება გაამახვილა შრომის საერთაშორისო ორგანიზაციის რიგი კონვენციების რატიფიცირების მნიშვნელობაზე.

შეხვედრაზე შეჯერდნენ, რომ თანამშრომლობა სხვადასხვა მიმართულებით აქტიურად გაგრძელდება, მათ შორის, სოციალური საკითხების, მინიმალური ხელფასის, ქალთა შრომითი უფლებების და სოციალური დიალოგის განვითარების ხელშეწყობის კუთხით.

შეხვედრაზე ასევე ხაზი გაესვა პროფკავშირების როლს გაეროს მდგრადი განვითარების მიზნების შესრულებაში.

მხარეებმა არსებული საკითხების გადასაწყვეტად სამომავლოდ მჭიდრო და აქტიური თანამშრომლობის მზაობა გამოხატეს”, - ნათქვამია ინფორმაციაში.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
ახალ სტრატეგიულ პერიოდში „პაშა ბანკი საქართველო“ მიზნად ისახავს, გახდეს ერთ-ერთი მთავარი არჩევანი ადგილობრივი კორპორატიული მომხმარებლებისთვის