„საქართველოს ბანკის“ მენეჯმენტის გუნდში ცვლილებები განხორციელდა

“საქართველოს ბანკი“ მენეჯმენტში განხორციელებულ ცვლილებებთან დაკავშირებით ინფორმაციას ავრცელებს.

ბანკის ცნობით, ნუცა გოგილაშვილი საბანკო მომსახურების მიმართულებას უხელმძღვანელებს, მიხეილ გომართელი სტრატეგიული პროექტების ხელმძღვანელი გახდა, ელენე ოქრომჭედლიშვილი კი ადამიანური კაპიტალის მართვის გუნდს უხელმძღვანელებს.

„ნუცა გოგილაშვილი საცალო საბანკო მომსახურების მიმართულებას ჩაიბარებს. ის ამ დრომდე ბანკის ადამიანური კაპიტალისა და მომხმარებელთა კმაყოფილების მართვის ხელმძღვანელი იყო. მას ფინანსური მომსახურების სფეროში ათწლიანი გამოცდილება აქვს როგორც ადგილობრივ, ასევე საერთაშორისო ორგანიზაციებში.

2011-2014 წლებში ის ლონდონში, JP Morgan-ში რისკების მიმართულებით მუშაობდა. ნუცა ბანკს 2016 წლიდან შეუერთდა და სხვადასხვა მენეჯერული პოზიცია ეკავა. მათ შორის, 2016 წლიდან კორპორატიული და საინვესტიციო ბანკის სტრატეგიული პროცესების ხელმძღვანელის თანამდებობა, 2017 წელს კი ის მომხმარებელთა კმაყოფილების მართვის ხელმძღვანელი გახდა. 2019 წელს კი ადამიანური კაპიტალის მართვის გუნდიც ჩაიბარა. ნუცა გოგილაშვილმა მაგისტრის ხარისხი ფინანსების მიმართულებით ლონდონში, Cass-ის ბიზნესსკოლაში მიიღო.

მიხეილ გომართელს „საქართველოს ბანკში“ უდიდესი დამსახურება აქვს, სადაც იგი 25 წელია მუშაობს. ის დირექტორის მოადგილის პოზიციიდან სტრატეგიული პროექტების ხელმძღვანელობას გააგრძელებს.

ადამიანური კაპიტალის მართვის გუნდს ელენე ოქრომჭედლიშვილი უხელმძღვანელებს. ელენე ბანკში, ამ დრომდე, ბიზნეს პროცესების, ოპერაციული მართვის მეთოდოლოგიის ტრანსფორმაციისა და ტრანზაქციების მიმართულების ხელმძღვანელის პოზიციას იკავებდა. მან ბოლო წლების განმავლობაში უდიდესი გამოცდილება შეიძინა როგორც საოპერაციო, ისე ტექნოლოგიური მიმართულებით. ელენე თავისუფალი უნივერსიტეტის ბიზნეს ადმინისტრირების ბაკალავრია. ის ასევე ფლობს ბიზნესის ადმინისტრირების მაგისტირის ხარისხს, რომელიც მიიღო IE Business School-ში,” - აღნიშნულია გავრცელებულ ინფორმაციაში.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას