გაეროს სურსათისა და სოფლის მეურნეობის ორგანიზაციის (FAO) განცხადებით, უკრაინის შავი ზღვის პორტებიდან ექსპორტის განახლების გამო მსოფლიოში სურსათზე ფაზები კლებას განაგრძობს. ორგანზიაციის მტკიცებით, სურსათზე ფასებმა რეკორდულ ნიშნულს მიმდინარე წლის მარტში მას შემდეგ მიაღწია, რაც რუსეთის ჯარები უკრაინაში შეიჭრნენ.
მას შემდეგ კი FAO-ს ინდექსი სტაბილურად ეცემა და გასულ თვეში სურსათის ფასები საშუალოდ 1,9%-ით შემცირდა. გაეროს სურსათისა და სოფლის მეურნეობის ორგანიზაციის ინფორმაციით, მცენარეულ ზეთებზე აგვისტოში ფასი 3.3%-ით შემცირდა, მარცვლეულზე 1.4%-ით, კონკრეტულად ხორბალზე კი 5.1%-ით.
„ეს გამოწვეულია წარმოების გაუმჯობესებით ჩრდილოეთ ამერიკასა და რუსეთში, განსაკუთრებით კი უკრაინის შავი ზღვის პორტებიდან ექსპორტის განახლებით, პირველად ხუთ თვეზე მეტი შეფერხების შემდეგ",- ნათქვამია განცხადებაში.