გაერთიანებული სამეფოს პრემიერ-მინისტრის პოსტზე ბორის ჯონსონის მემკვიდრე დღეს გახდება ცნობილი, - ინფორმაციას BBC-ი ავრცელებს.

„კონსერვატიული პარტიის“ მომავალ ლიდერად საგარეო საქმეთა მინისტრ, ლიზ ტრასს, ან ფინანსთა ყოფილ მინისტრს, რიში სუნაკს დაასახელებენ.

პარტიის ლიდერის გამოსვლენად გამართული კენჭისყრის გამარჯვებული დღეს, თბილისის 15:30-ზე გახდება ცნობილი.

„გაერთიანებული სამეფოს“ პრემიერობისთვის თავდაპირველად 11 პრეტენდენტი იბრძოდა, მოგვიანებით კი, „კონსერვატიულ პარტიაში” გამართული კენჭისყრების შედეგად, კანდიდატების რაოდენობა ორამდე შემცირდა.

„კონსერვატიული პარტიის“ ლიდერი ბრიტანეთის დედოფალთან გაემგზავრება, რომელმაც ის პრემიერ-მინისტრად ოფიციალურად უნდა დანიშნოს.

შეგახსენებთ, გაერთიანებული სამეფოს პრემიერ-მინისტრმა, ბორის ჯონსონმა გადადგომის შესახებ ივლისში, სკანდალების სერიის გამო მინისტრების პროტესტის შემდეგ განაცხადა.