თურქეთის კალათბურთის ფედერაციის წარმომადგენლის განცხადებით, თბილისში, ევრობასკეტზე მატჩის შემდეგ მათ თავს დაესხნენ და ტურნირის დატოვებით იმუქრებიან

თურქეთის კალათბურთის ფედერაციის წარმომადგენლის განცხადებით, თბილისში, ევრობასკეტზე მატჩის შემდეგ მათ თავს დაესხნენ და ტურნირის დატოვებით იმუქრებიან. ამის შესახებ sportall.ge წერს.

საქართველოს ნაკრებმა თურქეთის ნაკრები 88:83 დაამარცხა, მატჩის დროს ჩხუბის გამო მსაჯმა დუდა სანაძე და კორკმაზი გააძევა, ბოლოს კი მეტოქის მწვრთნელი ატამანიც.

როგორც თურქეთის წარმომადგენლები აცხადებენ, დაპირისპირება გასახდელისკენაც გაგრძელდა.

საქართველოს ნაკრებთან დამარცხების შემდეგ, თურქეთის კალათბურთის ფედერაციის ვიცე-პრეზიდენტმა ომარ ონანმა განცხადება გაავრცელა.

„მატჩები შეიძლება დაძაბული იყოს. ორი მოთამაშე გააძევეს. როდესაც კორკმაზი და ჩვენი ერთი მწვრთნელი გასახდელისკენ მიდიოდნენ, მათ თავს ქართველი კალათბურთელები დაესხნენ, რომელთაც შეხვედრაში მონაწილეობა არ მიუღიათ და აგრეთვე პოლიციელები. მატჩი დასრულდა, ჩვენ წავაგეთ, გასახდელის წინ ორივე მხრიდან შეხლა-შემოხლას ჰქონდა ადგილი, რომელშიც პოლიციელებიც ჩაერთნენ. ფიბას მივმართავთ, არავის მივცემთ უფლებას მოგვატყუონ და იდიოტებად ჩაგვთვალონ. კორიდორის კამერებიდან ჩანაწერები სრულად წარმოგვიდგინონ. პრეზიდენტს ვესაუბრე და თუ ამას არ გააკეთებენ, ტურნირს დავტოვებთ“, - განაცხადა თურქეთის კალათბურთის ფედერაციის ვიცე-პრეზიდენტმა.

ამასთან, მან აღნიშნა, რომ თბილისში ტურნირზე ბევრი ხარვეზი დაფიქსირდა: „გუნდი სასტუმროდან დარბაზში 45 წუთით ადრე მიემგზავრება, უსაფრთხოების დაცვაა საჭირო, კონსულსაც დაუკავშირდნენ, დაცვის გაძლიერება მოითხოვეს, განაცხადში არმყოფი მოთამაშეები (მაგალითად შენგელია) სათადარიგოთა სკამზე არ უნდა ყოფილიყვნენ და ფიბას რეაგირებას დაელოდებიან“.

პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
ქართული პრესის მიმოხილვა 06.02.2025
გიორგი ანთაძე - მინიმალური დემოკრატიული სტანდარტებიც კი საფრთხეშია
კახა ოქრიაშვილი „ოცნებას“ - თქვენს კოლექტიურ შიზოფრენიას უნდა გადააყოლოთ ქვეყანა? - შემოდგომაზე არჩევნები გარდაუვალია!
GM PHARMA-ში ახალი მედიკამენტების კვლევა-განვითარება აქტიურად გრძელდება
თბილისის საერთაშორისო სტანდარტის ყინულის არენაზე, "ბაკურიანი 2025"-ის ფარგლებში, ყინულის ჰოკეიში მოასპარეზე გოგონათა გუნდების ოფიციალური ვარჯიში გაიმართა
„სილქნეტმა” „დაჭრილ მებრძოლთა თანადგომის ფონდის“ 2024 წლის საქმიანობის ანგარიში წარადგინა