მთავრობამ ადამიანის უფლებათა დაცვის რიგით მე-2 ეროვნული სტრატეგია დაამტკიცა

საქართველოს მთავრობამ ადამიანის უფლებათა დაცვის რიგით მე-2 ეროვნული სტრატეგია დაამტკიცა.

როგორც მთავრობის სხდომის დასრულების შემდეგ გამართულ ბრიფინგზე ადამიანის უფლებათა საკითხებში პრემიერის მრჩეველმა, ნიკო თათულაშვილმა განაცხადა, სტრატეგია 2022-2030 წლებს დაფარავს.

მისივე ინფორმაციით, სტრატეგიას ოთხი ძირითადი მიმართულება გააჩნია.

„პირველი სტრატეგია 2014-2020 წლებს ფარავდა. დღეს ახალი სტრატეგია დამტკიცდა, რომელიც 2022-2030 წლებს დაფარავს. სტრატეგია უახლოეს დროში პარლამენტს გადაეგზავნება და პარლამენტის დამტკიცების შემდეგ, უკვე საბოლოოდ აქტიურად დავიწყებთ მუშაობას სამოქმედო გეგმაზე, რომელიც სტრატეგიის ძირითად პრიორიტეტებს და მიმართულებებს შემდეგ უკვე პრაქტიკაში გადაიტანს, როგორც რეგიონებში, ისევე ცენტრალურ დონეზე. სტრატეგიას გააჩნია ოთხი ძირითადი მიმართულება. სამოქალაქო და პოლიტიკური უფლებები ისევე, როგორც მართლმსაჯულების საკითხები პირველი პრიორიტეტია. შემდეგი პრიორიტეტი არის სოციალური და ეკონომიკური უფლებები. მესამე პრიორიტეტი თანასწორობის პოლიტიკის მიმართულებას ფარავს და მეოთხე პრიორიტეტი არის ოკუპაციის შედეგად დაზარალებული ჩვენი მოქალაქეების უფლებების დაცვა“, - განაცხადა ნიკო თათულაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს