საქართველოს სავაჭრო პალატა სტამბოლში ევროპალატის წევრების კომიტეტის შეხვედრაში მონაწილეობს. შეხვედრას სავაჭრო პალატის პრეზიდენტი გიორგი პერტაია, კომიტეტის წევრი სახელმწიფოების სავაჭრო-სამრეწველო პალატების პრეზიდენტები, თურქეთის საგარეო საქმეთა მინისტრის მოადგილე, ფარუკ კაიმაქჩი და ევროპალატის პრეზიდენტი, ლუკ ფრიედენი ესწრებოდნენ. ამის შესახებ ინფორმაციას სავაჭრო პალატა ავრცელებს.

მათი ცნობით, გიორგი პერტაიამ თავის გამოსვლისას ისაუბრა მიმდინარე რუსეთ-უკრაინის ომის გავლენაზე რეგიონის ჭრილში, პოსტ-პანდემიურ პერიოდში რეგიონისა და საქართველოს ეკონომიკების აღდგენის პროცესსა და საქართველოსთვის ევროინტეგრაციის პერსპექტივებზე.

გარდა ამისა, მან ხაზი გაუსვა ევროპალტის პროექტის: „ევროკავშირი ბიზნესისთვის“ მნიშვნელობას, ევროკავშირისა და აღმოსავლეთ პარტნიორობის წევრი სახელმწიფოების ბიზნეს წრეებთან დაახლოებისა და სავაჭრ-ეკონომიკური კავშირების გაღრმავების კუთხით.

აღნიშნული კომიტეტის შეხვედრა, ყოველწლიურად იმართება და მიზნად ისახავს ევროკავშირის არაწევრი ქვეყნების სავაჭრო-სამრეწველო პალატების ჩართულობას გადაწყვეტილების მიღების პროცესში ევროპალატის საქმიანობასთან დაკავშირებული საკითხებზე.