პრემიერი - ხელისუფლებამ გავხსენით კარი ყველა პოლიტიკური მოთამაშისთვის, სამწუხაროდ, ზოგიერთი ოპოზიციური პარტია, განსაკუთრებით კი მთავარი ოპოზიციური პარტია არ იღებს მონაწილეობას ამ პროცესში

ჩვენ, მმართველმა პარტიამ და ხელისუფლებამ გავხსენით კარი ყველა პოლიტიკური მოთამაშისთვის, ყველა ოპოზიციური პარტიისთვის, სამწუხაროდ, ზოგიერთი ოპოზიციური პარტია, განსაკუთრებით კი მთავარი ოპოზიციური პარტია არ იღებს მონაწილეობას ამ პროცესში, - ამის შესახებ საქართველოს პრემიერ-მინისტრმა ირაკლი ღარიბაშვილმა საქართველო-ევროკავშირის ასოცირების საბჭოს მე-7 სხდომის დასრულების შემდეგ, გაფართოებისა და სამეზობლო პოლიტიკის საკითხებში ევროკომისარ ოლივერ ვარჰეისთან და საგარეო საქმეთა და უსაფრთხოების პოლიტიკის საკითხებში ევროკავშირის უმაღლეს წარმომადგენელთან ჯოზეფ ბორელთან ერთად გამართულ პრესკონფერენციაზე „ინტერპრესნიუსის“ კითხვის საპასუხოდ განაცხადა, ჩანს თუ არა ხელისუფლებისა და ოპოზიციის მიერ გადადგმული ნაბიჯებიდან, რომ ისინი პარტიულ ინტერესებზე მაღლა სახელმწიფოს სტრატეგიულ ინტერესს აყენებენ.

როგორც ღარიბაშვილმა აღნიშნა, საქართველოს ხელისუფლება სრულად მზადაა იმუშაოს ყველა პოლიტიკურ პარტიასთან, მათ შორის იმ პარტიებთან, რომლებიც პარლამენტში არ არიან წარმოდგენილები.

პრემიერის თქმით, საქართველო და მისი ხელისუფლება მზადაა შეასრულოს ევროკომისიის მიერ განსაზღვრული 12-ვე პრიორიტეტი.

„მმართველმა პარტიამ და ხელისუფლებამ, ჩვენ, გავხსენით კარი ყველა პოლიტიკური მოთამაშისთვის, ყველა ოპოზიციური პარტიისთვის. სამწუხაროდ, ზოგიერთი ოპოზიციური პარტია განსაკუთრებით კი მთავარი ოპოზიციური პარტია არ იღებს მონაწილეობას ამ პროცესში. აქედან გამომდინარე, მსურს კიდევ ერთხელ გავიმეორო და დავადასტურო ჩვენი სრული მზაობა, ვიმუშაოთ ყველა პოლიტიკურ პარტიასთან, ყველა ოპოზიციურ პარტიასთან, მათ შორის, მათთან, ვინც არიან და არ არიან პარლამენტში, ასევე სამოქალაქო საზოგადოებასთან. მაგრამ, როგორც თქვენ აღნიშნეთ, ბატონო ჯოზეფ, არა მხოლოდ ხელისუფლება, არამედ, ასევე, ოპოზიციური პარტიები უნდა მონაწილეობდნენ ამ პროცესში. აქედან გამომდინარე, ჩვენი ძალიან ცხადი მოტივაციაა, კიდევ ერთხელ აღვნიშნოთ, რომ ხელისუფლება მზად არის შეასრულოს 12-ვე პრიორიტეტი“,- განაცხადა ირაკლი ღარიბაშვილმა.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე