შსს-ს საგანგებო სიტუაციების მართვის სამსახურს ესტონეთის სამაშველო საბჭოს დელეგაცია ეწვია

შინაგან საქმეთა სამინისტროს საგანგებო სიტუაციების მართვის სამსახურს ესტონეთის სამაშველო საბჭოს დელეგაცია ეწვია. ინფორმაციას ამის შესახებ საგანგებო სიტუაციების მართვის სამსახური ავრცელებს.

მათივე ცნობით, ესტონეთის სამაშველო საბჭოს დირექტორს კუნო ტამეარუს საგანგებო სიტუაციების მართვის სამსახურის უფროსმა, თეიმურაზ მღებრიშვილმა უმასპინძლა.

გაცნობითი შეხვედრის დროს სამსახურის უფროსმა ესტონელ კოლეგას სამოქალაქო უსაფრთხოების სისტემა გააცნო. მხარეებმა ასევე სამომავლო თანამშრომლობის საკითხები განიხილეს.

შეხვედრას საგანგებო სიტუაციების მართვის სამსახურის უფროსის პირველი მოადგილე, როინ ვარშანიძე და სახანძრო სამაშველო ძალების დეპარტამენტის უფროსი, დავით სუხიშვილი ესწრებოდნენ.

„ვიზიტის ფარგლებში, ესტონეთის სამაშველო საბჭოს დელეგაცია შინაგან საქმეთა სამინისტროს პოლიციის აკადემიასა და საზოგადოებრივი უსაფრთხოების მართვის ცენტრი „112“-ს ესტუმრნენ და აღნიშნული დანაყოფების საქმიანობის დეტალებს გაეცნენ. ასევე, საგანგებო სიტუაციების მართვის სამსახურის სასწავლო ცენტრი მოინახულეს, სადაც სიმულაციური სწავლება გაიმართა და სამსახურის შესაძლებლობების დემონსტრირება მოხდა.

ესტონეთის სამაშველო სამსახურის უფროსის ვიზიტს წინ საქართველოს დელეგაციის ტალინში ვიზიტი უძღოდა, სადაც ქართველმა მეხანძრე-მაშველებმა სამთო-სამაშველო მიმართულებით ერთკვირიანი სასწავლო კურსი გაიარეს.

ესტონეთი საქართველოს შინაგან საქმეთა სამინისტროს საგანგებო სიტუაციების მართვის სამსახურის სტრატეგიული პარტნიორი ქვეყანაა, რომელთანაც ბოლო წლების განმავლობაში რამდენიმე მნიშვნელოვანი პროექტი დაიწყო. მათ შორის, ექსპერტთა გაცვლითი პროგრამა და ტყის ხანძრების აღმომჩენი სპეციალური სისტემებით აღჭურვის პროექტი“, - აღნიშნულია გავრცელებულ ინფორმაციაში.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა