პარლამენტის საპროცედურო საკითხთა და წესების კომიტეტმა კანონპროექტი „საქართველოს პარლამენტის რეგლამენტში" ცვლილების შეტანის თაობაზე მესამე მოსმენით განიხილა. ინფორმაციას ამის შესახებ საქართველოს პარლამენტი ავრცელებს.

მათივე ცნობით, ცვლილებები სახალხო დამცველის არჩევის დროებითი წესის შემოღებას ითვალისწინებს.

მომხსენებლის, პარლამენტის წევრის, მიხეილ სარჯველაძის განცხადებით, მეორე მოსმენის შემდეგ პროექტში მცირე რედაქციული კორექტივები შევიდა, რომელიც კომიტეტმა მიზანშეწონილად ჩათვალა და საკითხის პლენარულ სხდომაზე გატანას მხარი დაუჭირა.